اسلام آباد:پاکستانی کرکٹر شعیب ملک نے اپنی اہلیہ ثناء جاوید کی سالگرہ شاندار انداز میں منائی۔
شعیب ملک اور مشہور اداکارہ ثناء جاوید کی شادی کو ایک سال مکمل ہو چکا ہے۔ اگرچہ یہ جوڑی عوامی تنقید اور چہ مگوئیوں کا سامنا کرتی رہی ہے، لیکن اب دونوں کو اکثر خوشگوار موڈ میں ایک ساتھ دیکھا جا رہا ہے۔
گزشتہ رات شعیب ملک نے ثناء جاوید کی سالگرہ منائی۔ اداکارہ نے اپنی سالگرہ کے یہ خوبصورت لمحات انسٹاگرام پر شیئر کرتے ہوئے شعیب ملک کا شکریہ ادا کیا۔
تصاویر میں دیکھا جا سکتا ہے کہ اداکارہ خوشگوار موڈ میں ہیں اور اپنے شوہر کے لائے گئے کیک اور پھولوں سے لطف اندوز ہو رہی ہیں۔
ادکارہ نے اپنی پوسٹ میں شعیب ملک کو بہترین شوہر قرار دیتے ہوئے ان کی محبت اور سپورٹ پر ان کا شکریہ ادا کیا ہے۔
سوشل میڈیا پر جوڑے کی یہ خوبصورت تصاویر دیکھ کر مداحوں نے انہیں دعائیں اور نیک خواہشات بھیجیں، جبکہ کچھ صارفین نے تنقیدی تبصرے بھی کیے۔
شعیب ملک اور ثناء جاوید کی شادی کے بعد یہ جوڑی مداحوں کے درمیان متنازع بنی رہی ہے۔ کچھ لوگ ان کی محبت اور خوشگوار زندگی کو پسند کرتے ہیں، جبکہ کچھ ابھی تک ان کی شادی پر سوالات اٹھاتے ہیں۔
مزید پرئیے:https://urdu.thepenpk.com/?p=6586
