اسلام آباد:بین الاقوامی شہرت یافتہ پاکستانی اداکارہ ماہرہ خان نے اپنے والد کی سالگرہ کے موقع پر ماضی کی یادیں تازہ کی ہیں۔
اداکارہ نے اپنے سوشل میڈیا اکاؤنٹ انسٹاگرام پر ایک خوبصورت پوسٹ شیئر کی ہے جس میں مختلف یادگار تصویریں شامل ہیں۔
اداکارہ نے اپنی پوسٹ میں بتایا کہ وہ آج اپنے پیارے والد حفیظ الرحمٰن خان کی سالگرہ منا رہی ہیں۔
انہوں نے کیپشن میں لکھا کہ میں ہمیشہ کے لیے اپنے ابا کی چھوٹی بچی رہوں گی۔ روزانہ اللہ کا شکر ادا کرتی ہوں کہ مجھے حفیظ الرحمٰن خان جیسے ’صوفی گینگسٹا‘ کی بیٹی بننے کا شرف حاصل ہوا۔ سالگرہ مبارک میرے سب سے پسندیدہ سفر کے ساتھی۔
انہوں نے اپنے فالوورز سے درخواست کی کہ وہ آج اپنے ابا کے لیے ایک چھوٹی سی دعا ضرور کریں۔
ماہرہ خان کی جانب سے شیئر کی گئی تصاویر میں ان کی پیدائش سے لے کر والد کے ساتھ گزارے گئے قیمتی لمحات شامل ہیں۔
اس پوسٹ پر سوشل میڈیا صارفین کے علاوہ شوبز کی معروف شخصیات بھی اداکارہ اور ان کے والد کے لیے نیک تمناؤں کا اظہار کر رہی ہیں۔
مزید پرئیے:https://urdu.thepenpk.com/?p=6638
