اسلام آباد:پاکستان کی مقبول شوبز جوڑی، دانش تیمور اور عائزہ خان کی یورپ میں فٹبال میچ کے دوران کی خوبصورت تصاویر سوشل میڈیا پر وائرل ہو گئیں ہیں۔
دانش تیمور اور عائزہ خان اس وقت یورپ میں چھٹیاں گزار رہے ہیں اور اپنے مداحوں کو مسلسل اپنی دلکش تصاویر سے محظوظ کر رہے ہیں۔
حال ہی میں اس جوڑی نے اسپین کے مشہور سانتیاگو برنابیو اسٹیڈیم میں فٹبال میچ دیکھا اور ریال میڈرڈ کی حمایت کی۔
میچ کے دوران ریال میڈرڈ اور والنسیا کے درمیان دلچسپ مقابلہ ہوا، تاہم عائزہ اور دانش کی پسندیدہ ٹیم ریال میڈرڈ کو شکست کا سامنا کرنا پڑا۔
مزید پرئیے:https://urdu.thepenpk.com/?p=6696
اس کے باوجود دونوں کے چہروں پر خوشی اور جوش نمایاں تھا اور انہوں نے اس یادگار لمحے کو کیمرے کی آنکھ میں محفوظ کر لیا۔
عائزہ اور دانش نے اسٹیڈیم سے اپنی کچھ تصاویر سوشل میڈیا پر شیئر کیں، جنہیں مداحوں نے بے حد پسند کیا۔
ان تصاویر میں دونوں اداکار نہایت اسٹائلش نظر آ رہے تھے۔ اداکارہ ہمیشہ کی طرح خوبصورت اور پُرکشش دکھائی دیں، جبکہ دانش کا کیژوال انداز بھی مداحوں کو بھا گیا۔
واضح رہے کہ عائزہ اور دانش کی شادی دو ہزار چودہ میں ہوئی تھی اور ان کے دو بچے ہیں۔
دونوں اداکاروں نے پاکستانی ڈرامہ انڈسٹری میں اپنی بہترین اداکاری سے ایک منفرد مقام حاصل کیا ہے۔
اداکارہ کو ان کی باوقار اداکاری اور حُسن کی بدولت سراہا جاتا ہے، جبکہ اداکار اپنے ایکشن اور منفی کرداروں کے لئے مشہور ہیں۔
