کراچی: عوام نے پیٹرول کی 80 روپے کمی کو مذاق قرار دے دیا، قیمت 200 روپے فی لیٹر کرنے کا مطالبہ
کراچی (ویب ڈیسک) – پاکستانی عوام نے پیٹرول کی قیمتوں میں 80 روپے کی حالیہ کمی کو ناکافی قرار دیتے ہوئے قیمت 200 روپے فی لیٹر مقرر کرنے کا مطالبہ کر دیا ہے۔
تفصیلات کے مطابق وزیر اعظم کی جانب سے پیٹرولیم لیوی میں کمی اور پیٹرول سستا کرنے کے اعلان پر ملک بھر میں عوام کا ملا جلا ردِعمل سامنے آیا۔
شہریوں کی بڑی تعداد نے اس کمی کو مذاق قرار دیتے ہوئے حکومت سے پیٹرول کی قیمتیں مزید کم کرنے کا مطالبہ کیا۔ کراچی سمیت مختلف شہروں میں شہریوں نے میڈیا سے گفتگو کرتے ہوئے کہا کہ حالیہ مہنگائی کے طوفان میں 80 روپے کی کمی عوام کے لیے ریلیف نہیں بلکہ مذاق کے مترادف ہے۔
عوام کا کہنا تھا کہ پہلے قیمتوں میں اتنا بڑا اضافہ کیا گیا اور اب معمولی کمی کر کے اسے ریلیف کا نام دیا جا رہا ہے، جو کہ عوام کے ساتھ ناانصافی ہے۔
عوامی حلقوں نے مطالبہ کیا ہے کہ پیٹرول کی فی لیٹر قیمت 150 سے 200 روپے کے درمیان مقرر کی جائے تاکہ عام آدمی کو حقیقی معنوں میں سکون مل سکے۔
شہریوں کا موقف ہے کہ جب تک پیٹرول کی قیمتوں میں بڑی کمی نہیں ہوگی، روزمرہ اشیاء اور ٹرانسپورٹ کے کرایوں میں کمی ممکن نہیں۔
عوام نے وزیراعظم سے اپیل کی ہے کہ لیوی میں مزید کمی کی جائے اور عالمی مارکیٹ میں تیل کی قیمتوں کے اثرات کا فائدہ براہِ راست عوام تک پہنچایا جائے
