نیوز ڈیسک
اسلام آباد: سکیورٹی ذرائع کے مطابق بلوچستان کے مختلف علاقوں میں سکیورٹی فورسز کی کارروائیوں کے دوران 11 دہشت گرد ہلاک ہوگئے۔
ذرائع کے مطابق پنجگور کے علاقے گووارگو میں سکیورٹی فورسز نے کارروائی کرتے ہوئے 5 دہشت گردوں کو ہلاک کیا۔ کارروائی کے بعد ہلاک دہشت گردوں کے قبضے سے بڑی مقدار میں اسلحہ اور گولہ بارود بھی برآمد کیا گیا۔
سکیورٹی ذرائع کے مطابق چاغی کے علاقوں امین آباد اور سیاہ چانگ میں بھی دہشت گردوں کے خلاف کارروائیاں کی گئیں، جن کے دوران مزید 6 دہشت گرد مارے گئے۔
پاکستان میں 2021 میں افغانستان میں طالبان کے دوبارہ اقتدار میں آنے کے بعد دہشت گردی کے واقعات میں اضافہ ہوا ہے، جبکہ خیبر پختونخوا اور بلوچستان اس حوالے سے نمایاں متاثرہ صوبوں میں شامل ہیں۔
سینٹر فار ریسرچ اینڈ سکیورٹی اسٹڈیز (CRSS) کی 2026 کی دوسری سہ ماہی سے متعلق رپورٹ کے مطابق خیبر پختونخوا اور بلوچستان ملک میں تشدد کے اہم مراکز رہے۔
رپورٹ کے مطابق اس عرصے کے دوران ملک بھر میں تشدد کے نتیجے میں ہونے والی ہلاکتوں کا تقریباً 96 فیصد ان دونوں صوبوں میں ریکارڈ کیا گیا۔ خیبر پختونخوا میں 475 ہلاکتیں ہوئیں، جو مجموعی تعداد کا 61 فیصد سے زائد بنتی ہیں، جبکہ بلوچستان میں 265 ہلاکتیں ریکارڈ کی گئیں، جو تقریباً 34 فیصد ہیں
CRSS کے اعداد و شمار کے مطابق دوسری سہ ماہی کے دوران ملک بھر میں تشدد کے سب سے زیادہ واقعات خیبر پختونخوا میں رپورٹ ہوئے، جہاں 151 واقعات ریکارڈ کیے گئے، جو مجموعی تعداد کا تقریباً 57 فیصد ہیں۔ بلوچستان میں 94 واقعات رپورٹ ہوئے، جو ملک بھر کے کل واقعات کا تقریباً 35 فیصد بنتے ہیں۔
رپورٹ کے اعداد و شمار سے ظاہر ہوتا ہے کہ خیبر پختونخوا اور بلوچستان میں تشدد ک
