ویب ڈیسک
پاکستان کے کرکٹ ٹیم کے کپتان بابر اعظم نے ایک اور تاریخی ریکارڈ اپنے نام کر لیا ہے۔ انہوں نے آئرلینڈ کے خلاف پہلے ٹی 20 میچ میں بطور کپتان ٹی 20 کرکٹ میں سب سے زیادہ میچز کھیلنے کا عالمی ریکارڈ توڑ دیا۔
بابر اعظم نے اس میچ میں اپنی ٹیم کی قیادت کرتے ہوئے 77 واں ٹی 20 میچ کھیلا۔ اس کے ساتھ ہی انہوں نے آسٹریلیا کے سابق کپتان ایرون فنچ کا ریکارڈ توڑ دیا جنہوں نے 76 ٹی 20 میچز میں اپنی ٹیم کی قیادت کی تھی۔
بابر اعظم کی اس کامیابی پر ان کے ساتھی کھلاڑیوں، کوچز اور پی سی بی کے حکام نے انہیں مبارکباد دی ہے۔
بابراعظم نے ٹی ٹوئنٹی میں ویرات کوہلی کا ریکارڈ برابر کردیا
پہلا ریکارڈ:
بابر اعظم نے ٹی ٹوئنٹی انٹرنیشنلز میں سب سے زیادہ 50 پلس اسکور کرنے کا ریکارڈ بھارت کے ویرات کوہلی کے ساتھ برابر کر لیا ہے۔ دونوں کھلاڑیوں نے اب تک 38 مرتبہ 50 یا اس سے زائد رنز بنائے ہیں۔
دوسرا ریکارڈ:
بابر اعظم ٹی ٹوئنٹی کرکٹ میں 100 مرتبہ 50 یا اس سے زائد رنز بنانے والے دنیا کے چوتھے کھلاڑی بن گئے ہیں۔ ان سے قبل صرف ڈیوڈ وارنر، کرس گیل اور ویرات کوہلی نے یہ کارنامہ انجام دیا تھا۔
بابر اعظم کی اننگز:
بابر اعظم نے ڈبلن میں کھیلے گئے پہلے ٹی ٹوئنٹی میچ میں 57 رنز کی شاندار اننگز کھیلی۔ انہوں نے اپنی اننگز میں 6 چوکے اور 1 چھکا لگایا۔
