اسلام آباد:پاکستان کرکٹ بورڈ (پی سی بی) کے چیئرمین محسن نقوی نے پی ایس ایل 10 کے شاندار اختتام پر اپنے خیالات کا اظہار کرتے ہوئے کہا کہ راولپنڈی کرکٹ اسٹیڈیم کے قریب دشمن کے حملے کے بعد پی ایس ایل کا دوبارہ آغاز ایک بڑا چیلنج تھا، جسے کامیابی سے مکمل کرنا فخر کی بات ہے۔
انہوں نے اللہ تعالیٰ کا شکر ادا کیا اور پی سی بی اور پی ایس ایل کی ٹیم کی محنت کو سراہا۔
محسن نقوی نے پاک آرمی، رینجرز، پولیس اور انتظامیہ کی انتھک کوششوں کو بھی خراج تحسین پیش کیا اور تینوں مسلح افواج — پاک آرمی، ایئر فورس اور نیوی — کی جرات و بہادری کا خصوصی ذکر کیا۔
انہوں نے فیلڈ مارشل جنرل سید عاصم منیر، ایئرچیف ظہیر احمد بابر اور نیول چیف ایڈمرل نوید اشرف کا بھی شکریہ ادا کیا جنہوں نے اسٹیڈیم آ کر میچ دیکھا اور کھلاڑیوں و شائقین کو حوصلہ دیا۔
چیئرمین پی سی بی نے پی ایس ایل ٹین کی کامیابی کو پُرامن پاکستان کی جیت قرار دیا اور شائقین کرکٹ کے جذبے اور نظم و ضبط کی تعریف کی۔
پی ایس ایل ٹین کے فائنل میں لاہور قلندرز نے کوئٹہ گلیڈی ایٹرز کو آخری اوور کی پانچویں گیند پر جیت کر تیسری بار ٹائٹل جیت لیا۔
کوئٹہ نے مقررہ بیس اوورز میں نو وکٹوں کے نقصان پر دو سو ایک رنز بنائے، جسے لاہور قلندرز نے دو سو دو رنز کا ہدف پورا کر کے حاصل کیا۔
اس کامیابی کے ساتھ لاہور قلندرز نے پانچ لاکھ امریکی ڈالر (تقریباً چودہ کروڑ روپے سے زائد) کی انعامی رقم بھی جیت لی، جبکہ کوئٹہ گلیڈی ایٹرز کو دو لاکھ امریکی ڈالرز (پانچ کروڑ ساٹھ لاکھ روپے سے زائد) دیے گئے۔
مزید پرئیے:https://urdu.thepenpk.com/?p=6747
