تحریکِ انصاف خیبر پختونخوا میں اختلافات شدت اختیار کر گئے، بانیٔ پی ٹی آئی کی ناراضگی کا اظہار

اسلام آباد:پاکستان تحریکِ انصاف (پی ٹی آئی) کے بانی خیبر پختونخوا میں اختلافات پر ناراض ہوگئے ہیں۔

ذرائع کے مطابق، بانی پی ٹی آئی نے ارکان قومی اسمبلی عاطف خان اور جنید اکبر کو طلب کرلیا ہے۔

ذرائع نے یہ بھی بتایا ہے کہ دونوں اراکین اسمبلی کی آئندہ ہفتے بانی پی ٹی آئی سے ملاقات متوقع ہے۔

خیبر پختونخوا کی حکومت نے پی ٹی آئی کے بانی پر عاطف خان اور جنید اکبر سے متعلق شکایت درج کرائی ہے۔

عاطف خان اور جنید اکبر نے برطرف وزیر شکیل خان کے حق میں بیان دیا تھا اور ان کی برطرفی کے فیصلے پر اختلاف کیا تھا۔

بیرسٹر سیف کی تصدیق

مشیر اطلاعات خیبر پختونخوا، بیرسٹر محمد علی سیف، نے ‘جیو نیوز’ سے گفتگو میں تصدیق کی ہے کہ پی ٹی آئی کے بانی نے پارٹی میں گروپ بندی کے تاثر پر تشویش کا اظہار کیا ہے۔

بیرسٹر سیف نے یہ بھی بتایا کہ پی ٹی آئی کے بانی نے عاطف خان اور جنید اکبر کو اڈیالہ جیل طلب کیا ہے۔