پاکستان کی برآمدات میں بھارت سے تجارت کے ذریعہ 69.5 کھرب کا اضافہ ممکن ہو پاۓ گا؟

بھارت سے تجارت کے ذریعہ پاکستانی برآمدات میں 69.5 کھرب تک اضافہ ممکن ہے۔

عالمی ذرائع ابلاغ کا کہنا ہے کہ پاکستان کو بھارت کی ضرورت زیادہ ہے، انڈیا نے پچھلے مالی سال 3.5 کھرب روپے کی اشیاء برآمد کی جبکہ پاکستان سے بھارت کو برآمدات نہ ہونے کے برابر رہی ہے۔

عالمی طاقتوں کے اصرار پر پاک بھارت تجارت کی بحالی پر غور، اسلام آباد کو بھارتی انتخابات کا انتظار، 70ء میں پاکستان کی فی کس آمدنی ہندوستان سے دوگنا تھی، امریکی نشریاتی ادارے ‘بلوم برگ’ کے مطابق پاکستان کو تجارت پر بھارت کی ہاں میں ہاں ملانے کی ضرورت ہے، بھارت کے ساتھ دوبارہ کاروبار شروع کرنا واضح طور پر معنی خیز ہے، ہندوستانی کمپنیوں کو قائل کرنے کی ضرورت ہوگی۔

وزیر خزانہ اسحاق ڈار نے اظہار کیا کہ نئی حکومت بھارت کے ساتھ تجارتی تعلقات کو معمول پر لانے کیلئے پاکستان کے فوائد دیکھے ہیں۔ عالمی بینک کا اندازہ ہے کہ اگر بھارت کے ساتھ تجارت ہو تو پاکستان کی برآمدات میں 80 فیصد تک اضافہ ہو سکتا ہے، یعنی اس وقت 69 کھرب 49 ارب روپے (25 ارب ڈالر) تک۔

ہندوستانی معیشت مستحکم ہے اور وہ دیگر ترقی پذیر ممالک کے لیے اپنی منڈیوں کو کھولنے میں شدید ہچکچاہٹ کا شکار ہے، جو مقامی پروڈیوسروں کو کاروبار سے باہر کر سکتے ہیں۔

بھارت کی معیشت کا حجم پاکستان سے 10 گنا زیادہ ہے اور اس وقت پاکستان کی فی کس آمدنی ہندوستان سے دوگنا تھی۔ اسلام آباد حکومت پاک بھارت تجارتی تعلقات کو بحال کرنے کیلئے تیار ہے۔  

پاکستانی سفارت کاروں کو ہندوستان کے عام انتخابات کے مکمل ہونے تک انتظار کرنا چاہیے ۔ اگر مودی دوبارہ منتخب ہوتے ہیں جیسا کہ زیادہ تر توقع کرتے ہیں – یہ ایک مناسب لمحہ ہونا چاہیے۔ ممکنہ طور پر اس وقت مودی تیار ہو سکتے ہیں۔ مودی نواز شریف کے ساتھ معقول حد تک اچھی طرح ملتے ہیں ۔ 

درحقیقت، مودی کے علاوہ، پاکستان کے پاس اس وقت ہندوستان میں بہت کم ممکنہ وکیل ہیں۔ ڈار نے نشاندہی کی کہ پاکستانی تاجر چاہتے ہیں کہ ہندوستان کے ساتھ تجارت دوبارہ شروع ہو۔ ہندوستان کے اندر کوئی مساوی حلقہ نہیں ہے۔ 

بھارت کا متحرک، منافع کا متلاشی نجی شعبہ قریبی تعلقات کے لیے ایک طاقتور آواز ثابت ہو سکتا ہے اگر کمپنیوں کو یقین ہے کہ معمول پر آنا ان کے مفاد میں بھی ہو گا۔ جرمن خبر رساں ا دارے کے مطابق پاکستان کی نئی حکومت اس بارے میں حتمی فیصلے سے قبل شاید بھارت کے آئندہ عام انتخابات تک انتظار کرنا چاہتی، جو اپریل اور مئی کے مہینوں میں مختلف مراحل میں ہونے والے ہیں۔ آئندہ چار جون کو بھارتی الیکشن کے نتائج آئیں گے، جس میں مودی کی تیسری جیت کا امکان ہے۔

خیال رہے کہ پاکستان نے پانچ اگست 2019کو مقبوضہ کشمیر کوحاصل خصوصی آئینی حیثیت کی حامل آئینی دفعہ 370 کو نریندر مودی حکومت کی جانب سےیکطرفہ طور منسوخ کرنے کے فیصلے کے رد عمل میں بطور احتجاج دو طرفہ تجارت کو معطل کر دیا تھا۔ اب تک، پاکستانی رہنماؤں کا اصرار ہے کہ وہ اس وقت تک تعلقات بحال نہیں کریں گے جب تک یہ فیصلہ نہیں ہو جاتا۔

 وزیر خارجہ اسحق ڈار نے لندن میں پریس کانفرنس کے دوران کہا تھا کہ کاروباری اور تجارتی برادری کے لوگ بھارت کے ساتھ تجارتی روابط کی بحالی میں دلچسپی ظاہر کر رہے ہیں، اس لیے بھارت کے ساتھ تجارتی تعلقات کی بحالی پر سنجیدگی سے غور کر سکتے ہیں۔