لاہور:آئی سی سی چیمپئنز ٹرافی کی افتتاحی تقریب آج لاہور میں ہوگی، جس میں گلوکار عاطف اسلم ایونٹ کا آفیشل ترانہ گائیں گے۔
مقابلوں سے پہلے آئی سی سی چیمپئنز ٹرافی کی افتتاحی تقریب آج لاہور کے قلعہ کے دیوان عام میں ہوگی، جہاں کرکٹ کے لیجنڈز کے درمیان پینل ڈسکشن بھی ہوگا۔
انیس فروری سے انیس دنوں تک کرکٹ کے دیوانے یا تو میدان میں ہوں گے یا پھر ٹیلی وژن کے سامنے، کیونکہ اب وقت آگیا ہے کہ یہ جانا جائے کہ چیمپئنز کا چیمپئن کون بنے گا؟
پاکستان کرکٹ بورڈ (پی سی بی) اور آئی سی سی کے اہم عہدیداران اس تقریب میں شریک ہوں گے۔ عاطف اسلم چیمپئنز ٹرافی کا آفیشل ترانہ پیش کریں گے۔
چیمپئنز ٹرافی کی باقاعدہ افتتاحی تقریب انیس فروری کو نیشنل سٹیڈیم کراچی میں منعقد ہوگی، جہاں پاک فضائیہ کے لڑاکا طیارے جے ایف سترہ تھنڈر اور ایف سولہ فضائی کرتب کا شاندار مظاہرہ پیش کریں گے۔
پاکستان کو انتیس سال بعد آئی سی سی چیمپئنز ٹرافی کی میزبانی کا موقع ملا ہے۔ اس سے پہلے انیس سو چھیانوے میں یہاں ورلڈ کپ کا انعقاد ہوا تھا، اور پھر برسوں تک انٹرنیشنل کرکٹ کونسل کے ایونٹس پاکستان میں نہیں ہو سکے۔
مزید پرئیے:https://urdu.thepenpk.com/?p=6114
