اسلام آباد:ماہ صیام برکتوں کا مہینہ ہے اور یقیناً رمضان میں کھجور سے روزہ افطار کرنے کے فوائد بے شمار ہیں۔
کھجور نہ صرف ایک سنت ہے بلکہ ایک صحت بخش انتخاب بھی ہے جو روزے کے دوران جسم کو درکار تمام اہم اجزاء فراہم کرتی ہے۔
اس کی معمولی مقدار میں استعمال سے جسم کی توانائی میں توازن برقرار رہتا ہے اور روزے کے دوران آپ کی صحت اور توانائی میں بہتری آتی ہے۔
اس لیے رمضان میں افطار کے وقت کھجور کا استعمال ایک مکمل اور متوازن غذا فراہم کرتا ہے جو آپ کی جسمانی اور روحانی ضروریات دونوں کو پورا کرتا ہے۔
اس کی اہمیت صرف روحانی نہیں بلکہ جسمانی صحت کے لحاظ سے بھی بہت زیادہ ہے۔
کھجور قدرتی توانائی کا زریعہ
کھجور میں موجود قدرتی شوگر جیسے گلوکوز اور فروکٹوز روزے کے دوران توانائی کی کمی کو فوراً پورا کر دیتی ہیں، جس سے خون میں شوگر کی سطح میں فوری توازن آتا ہے اور کمزوری یا چکر آنے جیسے مسائل سے بچا جا سکتا ہے۔
قوت مدافعت میں اضافہ
اس کے علاوہ، کھجور میں وٹامن بی کمپلیکس اور دیگر ضروری معدنیات بھی پائے جاتے ہیں جو جسم کی قوت مدافعت کو بڑھاتے ہیں اور رمضان کے دوران جسمانی تھکاوٹ کو کم کرنے میں مددگار ثابت ہوتے ہیں۔
کھجور کے استعمال سے نظام ہاضمہ کیسے بہتر ہوتا ہے؟
کھجور میں موجود فائبر ہاضمے کے عمل کو بہتر بناتا ہے، جو کہ روزے کے بعد کھانے کی مشکلات جیسے بدہضمی اور قبض کو روکنے میں مددگار ہے۔
اس میں میگنیشیم اور کیلشیم بھی موجود ہیں جو ہڈیوں کو مضبوط بناتے ہیں اور عضلات کے افعال میں توازن برقرار رکھتے ہیں۔
ہائیڈریشن کی ضرورت کو کیسے پورا کیا جاسکتا ہے؟
کھجور قدرتی طور پر میٹھی ہوتی ہے، جو دن بھر بھوکے رہنے کے بعد فوری توانائی فراہم کرتی ہے۔
اس میں پانی کی مقدار بھی زیادہ ہوتی ہے، جو جسمانی افعال کو برقرار رکھنے اور پانی کی کمی کو روکنے کے لیے روزے کے دوران ہائیڈریشن میں ضروری ہے۔
مزید پرئیے:https://urdu.thepenpk.com/?p=6334
