نارووال:نارووال کے علاقے حویلی انعام اللہ بٹ میں ایک دل دہلہ دینے والا سانحہ پیش آیا، جہاں تراویح کی نماز کے دوران ایک بھائی نے دوسرے بھائی کی جان لے لی۔
اس واقعے کے نتیجے میں فائرنگ کے تبادلے میں تین افراد جاں بحق جبکہ ایک شخص زخمی ہو گیا۔
واقعے کی تفصیلات
پولیس کے مطابق، مقتولین حویلی میں نماز تراویح ادا کر رہے تھے کہ ملزمان نے فائرنگ کر دی۔
ریجنل پولیس آفیسر طیب حفیظ چیمہ نے بتایا کہ مقتول عمران اور اس کے بھائی زمان کے درمیان ویگن اڈے کی ملکیت کا تنازع تھا، جس کے نتیجے میں کینیڈا میں مقیم زمان نے اپنے بھائی عمران کو قتل کروایا۔
کتنے مقدمات درج؟
انہوں نے مزید کہا کہ مقتول عمران کے خلاف آٹھ اور زمان کے خلاف نو مقدمات درج ہیں۔
طیب حفیظ چیمہ نے بتایا کہ عمران کو قتل کرنے والا وزیرستان کا رہائشی ہے۔
انہوں نے یہ بھی بتایا کہ متنازع ویگن اڈہ سیل کر دیا گیا ہے، فریقین کے خلاف انسدادی کارروائی بھی کی گئی تھی اور اب ملزمان کی گرفتاری کے لیے تین ٹیمیں تشکیل دے دی گئی ہیں۔ ملزمان کو جلد گرفتار کر لیا جائے گا۔
مزید پرئیے:https://urdu.thepenpk.com/?p=6368
