کتوں کے کاٹنے کے کیسز میں اضافہ: متاثرہ افراد کے لیے فوری احتیاطی تدابیر کیا؟

کراچی:کراچی میں گزشتہ سال کے مقابلے میں رواں سال کتوں کے کاٹنے کے کیسز میں اضافہ دیکھنے کو ملا ہے۔

ریبیز کلینک انچارج ڈاکٹر رومانہ فرحت کے مطابق سول اسپتال میں جنوری اور فروری کے دوران کتوں کے کاٹنے کے پانچ ہزار سات سو پچانوے کیسز رپورٹ ہوئے ہیں۔

انہوں نے بتایا کہ سول اسپتال میں گزشتہ سال جنوری اور فروری میں کتوں کے کاٹنے کے تین ہزار دو سو انہتر کیسز رپورٹ ہوئے تھے۔ ان کا کہنا ہے کہ سول اسپتال میں کتوں کے کاٹنے کے یومیہ سو سے زائد کیس رپورٹ ہو رہے ہیں۔

دوسری جانب، ایمرجنسی انچارج ڈاکٹر عرفان صدیقی نے بتایا کہ جناح اسپتال میں رواں سال کتوں کے کاٹنے کے پانچ ہزار سے زائد کیسز رپورٹ ہوچکے ہیں، جبکہ گزشتہ سال کے دوران کتوں کے کاٹنے کے تین ہزار سے زائد کیسز سامنے آئے تھے۔

احتیاتی تدابیر

طبی ماہرین کا کہنا ہے کہ کتے کے کاٹنے پر متاثرہ جگہ کو فوراً ڈیٹرجنٹ اور صابن سے کم از کم پندرہ منٹ دھونا چاہیے، اور اس کے بعد اینٹی ریبیز ویکسین اور حفاظتی ٹیکوں کا کورس مکمل کرنا ضروری ہے۔

مزید پرئیے:https://urdu.thepenpk.com/?p=6194