امریکا اور ایران کے درمیان گزشتہ دو ماہ سے جاری کشیدگی نے عالمی معیشت کو شدید متاثر کیا ہے، جس کی بڑی وجہ عالمی منڈی میں خام تیل کی قیمتوں میں مسلسل اضافہ ہے۔ ایران-امریکا تنازع کے بعد تیل کی قیمتوں میں مزید بڑی تبدیلیوں کا امکان ظاہر کیا جا رہا ہے۔رپورٹس کے مطابق متحدہ عرب امارات کے حالیہ فیصلے کے بعد خام تیل کی قیمت 50 ڈالر فی بیرل تک گر سکتی ہے۔ یاد رہے کہ اس کشیدگی سے قبل برینٹ کروڈ کی قیمت تقریباً 70 ڈالر فی بیرل تھی، جو اب بڑھ کر 100 ڈالر فی بیرل سے تجاوز کر چکی ہے۔دوسری جانب یو اے ای کی جانب سے اوپیک سے علیحدگی کا عندیہ عالمی توانائی مارکیٹ میں ایک بڑی پیش رفت تصور کیا جا رہا ہے، جس کے اثرات آنے والے دنوں میں مزید واضح ہوں گے۔
