لاہور (23 جولائی 2026): لاہور کے میو اسپتال میں آوارہ کتے کے کاٹنے سے شدید متاثرہ 4 سالہ بچہ محمد یاسین دورانِ علاج انتقال کر گیا۔
اسپتال ذرائع کے مطابق محمد یاسین کو تقریباً ایک ماہ قبل آوارہ کتے نے کاٹا تھا، جس کے بعد اسے علاج کے لیے میو اسپتال منتقل کیا گیا۔ اہلخانہ کا کہنا تھا کہ کتے کے کاٹنے کے بعد بچے کو ریبیز سے بچاؤ کی ویکسین بھی لگوائی گئی تھی، تاہم اس کی طبیعت مسلسل بگڑتی رہی۔
ڈاکٹروں کے مطابق ریبیز کے باعث بچے کی حالت انتہائی تشویشناک ہو گئی تھی، جس پر اسے وینٹی لیٹر پر منتقل کیا گیا، لیکن تمام تر طبی کوششوں کے باوجود وہ جانبر نہ ہو سکا۔
واضح رہے کہ میو اسپتال میں گزشتہ چند روز کے دوران آوارہ کتوں کے کاٹنے اور ریبیز کے باعث ہلاکت کا
