دھابیجی پمپنگ اسٹیشن کے تھرڈ فیز میں گزشتہ رات 11 بجے بجلی کا بریک ڈاؤن ہوا، تاہم 23 گھنٹے گزرنے کے باوجود بجلی بحال نہ ہو سکی۔
واٹر کارپوریشن کے مطابق کے الیکٹرک نے بجلی کی بندش کی وجہ کیبل فالٹ بتائی ہے۔ طویل بجلی بندش کے باعث دھابیجی پمپنگ اسٹیشن کے 2 پمپس عارضی طور پر بند ہوگئے ہیں۔
پمپس بند ہونے سے کراچی کو 42 ملین گیلن پانی کی فراہمی متاثر ہوئی ہے۔ لانڈھی، کورنگی، شاہ فیصل، ڈیفنس، ڈی ایچ اے، قیوم آباد، پی اے ایف بیس فیصل اور کارساز سمیت مختلف علاقوں میں پانی کی فراہمی متاثر ہونے کا خدشہ ہے۔
