عائشہ جہانزیب کی شوہر سے صلح کی تردید، خلع لینے کا اعلان

اسلام اباد : عائشہ جہانزیب نے اپنے شوہر حارث علی کے ساتھ صلح کرنے کی خبروں کی تردید کی ہے اور اعلان کیا ہے کہ وہ پیر کو عدالت میں خلع کی درخواست دائر کریں گی۔
عائشہ جہانزیب نے واضح کیا کہ ان کے شوہر نے طلاق دینے سے انکار کر دیا ہے اور صلح کی پیشکش کی ہے، لیکن انہوں نے صلح کرنے کا ارادہ مسترد کر دیا ہے۔

ان کا کہنا ہے کہ وہ اسکینڈلز کی تردید کرتے ہوئے خلع کے لیے قانونی کارروائی کا ارادہ رکھتے ہیں۔
عائشہ کے شوہر حارث علی کو لاہور کی کینٹ کچہری عدالت نے جوڈیشل ریمانڈ پر جیل بھیج رکھا ہے۔ عائشہ نے 10 جولائی کو سرور روڈ تھانے میں اپنے شوہر کے خلاف مقدمہ درج کرایا، جس میں الزام لگایا گیا کہ حارث علی نے ان پر جسمانی تشدد کیا، بندوق تان کر دھمکیاں دیں، اور ان کے بچوں کو بھی نقصان پہنچایا۔
عائشہ نے سوشل میڈیا پر اپنی تصاویر بھی جاری کیں، جن میں ان کا چہرہ شدید زخمی نظر آ رہا تھا۔ انہوں نے کہا کہ وہ اپنے بچوں کو عدالتوں کے چکر نہیں لگوانا چاہتی اور ان کی کسٹڈی بھی ان کے پاس رہے گی۔
عائشہ جہانزیب ایک مشہور پاکستانی ٹیلی ویژن میزبان اور اینکر ہیں۔

ان کے پہلے شوہر کا کینسر کی وجہ سے انتقال ہو گیا تھا، اور انہوں نے حارث علی سے شادی کی تھی، جو ان کے دوسرے شوہر تھے۔ عائشہ نے بتایا کہ ان کی والدہ نے انہیں دوبارہ شادی کرنے پر مجبور کیا تھا، لیکن حالات بگڑتے گئے، اور ان کا شوہر انہیں اکثر مارتا تھا اور منشیات کا استعمال بھی کرتا تھا۔
عائشہ نے دعویٰ کیا کہ ان کا شوہر حارث علی ان کے بچوں کے سامنے بھی تشدد کرتا تھا۔ عائشہ کے پہلے شوہر سے تین بچے ہیں اور حارث علی سے دو بچے ہیں۔
ایک ٹی وی شو میں عائشہ نے انکشاف کیا تھا کہ ان کی والدہ نے کینسر کی تشخیص کے بعد ان پر دوبارہ شادی کرنے کے لیے دباؤ ڈالا تھا۔ ابتدائی طور پر انکار کرنے کے باوجود، انہوں نے اپنی والدہ کے اصرار پر دوسری شادی کے لیے راضی ہو گیں۔حال ہی میں، عائشہ نے بتایا کہ حارث علی نے انہیں رہائش گاہ کے مین گیٹ پر حملہ کیا اور ہتھیار سے دھمکیاں دیں۔ یہ حملہ اس سال ان کے شوہر کی طرف سے جسمانی زیادتی کا چوتھا واقعہ تھا۔
عائشہ جہانزیب کے کیس نے عوامی دلچسپی اور غم و غصے کو جنم دیا ہے، اور سوشل میڈیا پر ان کے خاندان کے لیے حمایت اور انصاف کے مطالبات کیے جا رہے ہیں۔