اسلام آباد:مسلم لیگ ن، پیپلزپارٹی، اور جے یو آئی نے جاتی امرا میں اہم ملاقات کے دوران عدالتی اصلاحات پر اتفاق رائے کیا۔
تفصیلات کے مطابق، اجلاس میں تینوں جماعتوں کے رہنماؤں نے آئینی شقوں کا بغور جائزہ لیا۔
اجلاس کے بعد مولانا فضل الرحمان نے گفتگو کرتے ہوئے کہا کہ آج کا اجلاس حوصلہ افزا رہا۔ انہوں نے بتایا کہ عدلیہ کی اصلاحات کے معاملے پر اتفاق رائے قائم ہو گیا ہے۔ انہوں نے یہ بھی کہا کہ وہ پاکستان تحریک انصاف سے بھی بات چیت کریں گے۔
چیئرمین پیپلزپارٹی بلاول بھٹو زرداری نے بھی اس بات کی تصدیق کی کہ عدالتی اصلاحات پر اتفاق ہو گیا ہے، جبکہ نائب وزیراعظم اسحاق ڈار نے کہا کہ سیاسی جماعتیں عوام کی بہتری کے لیے کوشاں ہیں۔
ذرائع کے مطابق، یہ پہلی نشست آئینی عدالتوں کے مسودے پر اتفاق نہ ہونے کے باعث ناکام رہی۔
بعد میں، تینوں جماعتوں کے رہنماؤں کی دوسری ملاقات ہوئی، جس میں مسلم لیگ ن کے تحفظات اور ڈیڈلاک برقرار رہے۔
جے یو آئی نے آئینی بنچ بنانے کی تجویز پیش کی اور پہلے پانچ ججز کو اس میں شامل کرنے کا مطالبہ کیا۔
ن لیگ نے اس کے جواب میں کہا کہ پہلے آئینی عدالت بنائی جائے، اور اگر آئینی بنچ بنانا ہے تو جوڈیشل پارلیمانی کمیٹی ججز کے نام کی منظوری دے۔
وزیراعظم نواز شریف کا کہنا ہے کہ ہم چاہتے ہیں کہ میثاق جمہوریت کی شقوں پر عملدرآمد ہو، ملک کو سب نے مل کر آگے لے کر چلنا ہے۔
آصف زرداری نے اس پر اتفاق کیا کہ میاں صاحب، میثاق جمہوریت کی تمام شقوں پر عملدرآمد کرنے کا وقت ہے۔
مزید پرئیے:https://urdu.thepenpk.com/?p=4659
