اسلام آباد:زیتون نہ صرف ایک مزیدار پھل ہے بلکہ اس کے متعدد طبی فوائد بھی ہیں جو اسے ایک مکمل غذا اور قدرتی دوا بناتے ہیں۔
حالیہ تحقیقات نے یہ ثابت کیا ہے کہ زیتون کا تیل، پتہ اور پھل ہر لحاظ سے صحت کے لیے فائدہ مند ہیں۔ یہاں زیتون کے تیل اور پتوں کے چند اہم فوائد پیش کیے جا رہے ہیں۔
1. فضائی آلودگی کے مضر اثرات سے تحفظ
زیتون کے پتوں کی بھاپ فضائی آلودگی کے اثرات کو کم کرنے میں مددگار ثابت ہو سکتی ہے، خاص طور پر ان افراد کے لیے جو سانس کی بیماریوں میں مبتلا ہیں۔یہ بھاپ دمے کے مریضوں کے لیے مفید ہے اور بند ناک کھولنے میں مدد دیتی ہے۔
2. جلد کے کینسر سے بچاؤ
تحقیقات نے یہ ظاہر کیا ہے کہ زیتون کا تیل جلد کے کینسر کے خطرے کو کم کرنے میں مددگار ہے۔ اس کے انٹی آکسیڈینٹ خصوصیات کی وجہ سے یہ جلد کی حفاظت کرتا ہے۔
3. ذیابیطس کا علاج
زیتون کے پتوں میں شوگر کے علاج کے خواص بھی پائے گئے ہیں۔ فلسطین کی دوا ساز کمپنی نے زیتون کے پتوں سے تیار کردہ گولیوں کا تعارف کیا ہے جو ذیابیطس کے مریضوں کے لیے مؤثر ثابت ہو رہی ہیں۔ یہ دوا 20 فیصد زیادہ فعال ہے نسبتاً دیگر ادویات کے۔
4. قوت مدافعت کو بڑھانا
زیتون کے پتوں کا جوشاندہ جسم میں قوت مدافعت کو بڑھاتا ہے، خون میں کولیسٹرول کی سطح کو متوازن کرتا ہے اور دل کی صحت کو بہتر بناتا ہے۔ یہ جسم میں موجود فاضل مادوں کو ختم کرتا ہے اور تکسیدی عمل کو روکتا ہے۔
5. زیتون کا استعمال ہر موسم میں فائدہ مند
زیتون کا استعمال ہر موسم میں فائدہ مند ہے۔ یہ موسمی بیماریوں سے بچاؤ کا ایک قدرتی ذریعہ ہے اور ہر موسم میں اس کا استعمال صحت کے لیے مفید ثابت ہو سکتا ہے۔
مزید پرئیے:https://urdu.thepenpk.com/?p=5133
