غزہ:غزہ میں اسرائیلی حملے شدت اختیار کر گئے ہیں، اور گزشتہ 24 گھنٹوں کے دوران مزید 100 فلسطینی شہید ہو گئے ہیں۔
اس تازہ حملے میں متعدد شہری علاقوں کو نشانہ بنایا گیا، جس سے جانی و مالی نقصانات میں مزید اضافہ ہوا ہے۔
بین الاقوامی سطح پر اس تشویش کا اظہار کیا جا رہا ہے کہ یہ لڑائی مزید بڑھ سکتی ہے اور انسانی بحران سنگین صورت اختیار کر سکتا ہے۔
اسرائیلی فوج نے ان 100 میں سے 75 کو بیت لاہیا کی رہائشی عمارتوں پر بمباری کر کے شہید کیا۔
گزشتہ دو ماہ کے دوران شمالی غزہ کے جاری اسرائیلی محاصرے میں وحشیانہ زمینی اور فضائی حملوں میں شہداء کی تعداد 2,700 تک پہنچ گئی ہے۔
مزید پرئیے:https://urdu.thepenpk.com/?p=5331
دوسری جانب غزہ میں فلسطینیوں کو سنگین غذائی بحران کا سامنا ہے، ایک بیکری کے باہر ہجوم میں بھگدڑ کے دوران 3 خواتین جاں بحق ہو گئیں۔
غزہ کے سرکاری میڈیا آفس نے خبردار کیا ہے کہ محصور علاقے میں بھوک اور مصائب کی صورتحال تباہ کن سطح پر پہنچ چکی ہے۔
غزہ کے سرکاری میڈیا آفس کی جانب سے ورلڈ فوڈ پروگرام سے فوری طور پر خوراک کی تقسیم دوبارہ شروع کرنے کی اپیل کی گئی ہے۔
دوسری جانب لبنان میں جنگ بندی کے چوتھے روز حزب اللہ کے سربراہ سید نعیم قاسم نے سرحد پار حملوں اور اسرائیلی افواج کے ساتھ کئی مہینوں کی لڑائی کے بعد فتح کا اعلان کر دیا ہے۔
