پشاور:وائس چیئرمین خیبر پختونخوا انویسٹمنٹ بورڈ حسن مسعود کوثر نے کہا ہے کہ پاکستان انٹرنیشنل ایئرلائنز (پی آئی اے) نے اپنی مالی حالت بہتر کرنے اور خود کو دوبارہ مستحکم کرنے کے لئے عملی اقدامات اٹھانے شروع کر دیے ہیں، اور اب وہ اپنے پاؤں پر کھڑا ہونے کی طرف بڑھ رہا ہے۔
پشاور میں میڈیا سے گفتگو کرتے ہوئے انہوں نے کہا کہ پی آئی اے کی خریداری میں خیبر پختونخوا کی دلچسپی کے باعث قومی ایئر لائن کا وقار بڑھنا شروع ہوا ہے۔
حسن مسعود کوثر نے کہا کہ وفاقی حکومت اور وزیرِ دفاع خواجہ آصف کو وزیرِ اعلیٰ علی امین گنڈاپور کا شکریہ ادا کرنا چاہیے، کیونکہ ان کا مقصد صرف پی آئی اے کو خریدنا نہیں تھا بلکہ اس کا وقار بھی بڑھانا تھا۔
انہوں نے مزید کہا کہ خیبر پختونخوا حکومت پی آئی اے کو خریدنے میں دلچسپی رکھتی ہے اور اس کے لیے وفاقی حکومت کو خط بھی لکھا ہے، تاہم اس خط کا ابھی تک کوئی جواب نہیں آیا۔
مزید پرئیے:https://urdu.thepenpk.com/?p=5394
