معروف اداکارہ نازش جہانگیر کا کہنا ہے کہ درفشاں سلیم ٹیلنٹ کے بجائے قسمت سے مقبول ہو رہی ہیں اور وہ جس ڈرامے میں آتی ہیں وہ کامیاب ہوجاتا ہے۔
نازش جہانگیر کی ایک مختصر ویڈیو سوشل میڈیا پر وائرل ہو رہی ہے، جس میں انہوں نے درفشاں سلیم اور دیگر اداکاروں کے بارے میں بات کی ہے۔
نازش جہانگیر نے عید کے موقع پر ایک ٹی وی پروگرام میں شریکیت اظہار کی تھی، جہاں انہوں نے مختلف شوبز شخصیات سے متعلق سوالات کا جواب دیا تھا۔
اداکارہ نے ایک سوال کے جواب میں اظہار کیا تھا کہ آغا علی اور خوشحال خان کو بولی وڈ میں ہونا چاہیے۔
انہوں نے یہ بھی بتایا کہ اگر انہیں موقع ملا تو وہ عائزہ خان سے ان کا گھر لے لیں گی اور سارہ خان سے وہ شوہر کی جانب سے تحفے میں ملنے والی گاڑیاں لے لیں گی۔
نازش جہانگیر نے اظہار کیا تھا کہ وہ ماہرہ خان سے ان کی شخصیت لیں گی، جبکہ ان کی نظر میں اقرا عزیز ایک اچھی بیوی ہیں۔
اداکارہ میرا کے حوالے سے پوچھے گئے سوال پر نازش جہانگیر نے کہا تھا کہ وہ ان سے کچھ نہیں لیں گی، البتہ انہیں ہر وہ چیز دیں گی جو اداکارہ ان سے مانگیں گی۔
اداکارہ سے جب پوچھا گیا کہ وہ کون سی اداکارہ ہیں جو ٹیلنٹ کی بجائے قسمت سے زیادہ مقبول ہوئیں؟
اس پر نازش جہانگیر نے اداکارہ درفشاں سلیم کا نام لیا اور مزید کہا کہ وہ ٹیلنٹ سے زیادہ قسمت سے کامیاب ہو رہی ہیں۔
انہوں نے مزید کہا کہ درفشاں سلیم جس بھی ڈرامے میں شامل ہو رہی ہیں، وہ ڈراما ہٹ ہو رہا ہے۔
ساتھ ہی نازش جہانگیر نے درفشاں سلیم کے ہر ڈرامے کی کامیابی پر ماشا اللہ بھی کہا۔
