ڈیوٹی کے دوران طبیعت بگڑ گئی، ایس ایچ او عمران منیر چل بسے

0

نیوز ڈیسک

اسلام آباد: وفاقی دارالحکومت کی فیصل مسجد میں ڈیوٹی کے دوران اچانک طبیعت خراب ہونے اور دل کا دورہ پڑنے سے ایس ایچ او مارگلہ عمران منیر انتقال کر گئے۔

پولیس ذرائع کے مطابق ایس ایچ او عمران منیر فیصل مسجد میں اپنے فرائض انجام دے رہے تھے کہ اچانک ان کی طبیعت بگڑ گئی اور وہ بے ہوش ہو کر گر پڑے۔

واقعے کے فوری بعد انہیں پاکستان انسٹی ٹیوٹ آف میڈیکل سائنسز (پمز) اسپتال منتقل کیا گیا، جہاں ڈاکٹروں نے انہیں دل کا دورہ پڑنے کی تصدیق کی۔

ذرائع کے مطابق ایس ایچ او عمران منیر کی حالت تشویشناک تھی اور انہیں فوری طبی امداد فراہم کی گئی، تاہم وہ جانبر نہ ہو سکے اور خالق حقیقی سے جا ملے۔

ایس ایچ او عمران منیر کے انتقال پر اسلام آباد پولیس کی فضا سوگوار ہے۔

Leave A Reply

Your email address will not be published.