پشاور: وزیراعلیٰ خیبرپختونخوا، علی امین گنڈاپور، نے امن جرگے سے گفتگو کرتے ہوئے کہا کہ یہ آپریشن نہیں بلکہ ایک حکمتِ عملی ہے۔ سرچ آپریشن پولیس اور سی ٹی ڈی کے ذریعے انجام دیا جائے گا۔
علی امین گنڈاپور نے وضاحت کی کہ ضرورت پڑنے پر سیکیورٹی فورسز کی مدد لی جائے گی، جبکہ غیر سرکاری مسلح افراد کے خلاف کارروائی پولیس کرے گی۔
اس کے علاوہ، بنوں واقعے پر ایپکس کمیٹی کے اجلاس میں امن جرگے کے مطالبات پیش کرنے کے لیے پانچ ارکان پہنچ گئے ہیں۔
وزیراعلیٰ علی امین گنڈاپور کی زیرِ صدارت اجلاس کچھ دیر بعد ہوگا، جس میں کور کمانڈر پشاور اور دیگر اعلیٰ حکام بھی شریک ہوں گے۔
اجلاس میں بنوں واقعے سے متعلق کمیشن بنانے کے طریقہ کار پر غور کیا جائے گا۔
