حرا مانی کے بولڈ لباس اور رقص پر سوشل میڈیا پر بحث کا آغاز؟

اسلام آباد:پاکستان شوبز انڈسڑی کی مشہور اداکارہ حرا مانی کی ایک ویڈیو حالیہ دنوں میں سوشل میڈیا پر وائرل ہو گئی ہے، جس پر شدید ردعمل دیکھنے کو مل رہا ہے۔

بھائی کی شادی کی تقریب میں مصروف

اداکارہ اس وقت اپنے چھوٹے بھائی کی شادی کی تقریبات میں مصروف ہیں، اور اس دوران ان کی ایک ویڈیو سوشل میڈیا پر تیزی سے پھیل گئی۔

ڈھولکی کی تقریب

ویڈیو میں اداکارہ کو اپنے شوہر اداکار مانی اور خاندان کے دیگر افراد کے ساتھ بھائی کی ڈھولکی کی تقریب میں رقص کرتے ہوئے دیکھا جا سکتا ہے۔

سوشل میڈیا پر شدید تنقید

اگرچہ حرا مانی کا یہ اسٹائل اور ڈانس کچھ صارفین کو پسند آیا، مگر اکثریتی سوشل میڈیا صارفین نے انہیں شدید تنقید کا نشانہ بنایا ہے۔

صارفین کا کہنا ہے کہ اس قسم کی تقریبات میں بولڈ لباس پہن کر رقص کرنا اور اس طرح کی تہذیب کو فروغ دینا تشویش کا باعث ہے۔

خاندان کے دیگر افراد کو بھی تنقید کا سامنا

ویڈیو میں اداکارہ کے ساتھ ڈانس کرتے ہوئے ان کے شوہر مانی اور خاندان کے دیگر افراد کو بھی تنقید کا سامنا ہے۔ سوشل میڈیا پر کچھ افراد نے اس بات پر سوال اٹھایا کہ اس طرح کے رقص اور لباس کا استعمال معاشرتی طور پر مناسب نہیں ہے۔

اداکارہ کی اس ویڈیو نے جہاں کئی مداحوں کو متاثر کیا، وہیں سوشل میڈیا پر اس پر بحث و تنقید کا سلسلہ بھی جاری ہے۔

مزید پرئیے:https://urdu.thepenpk.com/?p=5671