اسلام آباد:ایلون مسک کی اسپیس ایکس نے ایک انقلابی سیٹلائٹ سروس “ڈائریکٹ ٹو سیل” متعارف کرائی ہے، جو صارفین کو آئی فونز اور اینڈرائیڈ اسمارٹ فونز کے ذریعے زمین کے کسی بھی کونے سے کال کرنے کی سہولت فراہم کرتی ہے۔
یوکرین کی Kyivstar کمپنی کی شراکت داری
رائٹرز کی رپورٹ کے مطابق، یوکرین کی سب سے بڑی موبائل فون کمپنی Kyivstar نے اسپیس ایکس کے ساتھ شراکت داری کی ہے۔
اس شراکت داری کا مقصد سیٹلائٹ کے ذریعے اسمارٹ فونز کو انٹرنیٹ سے منسلک کرنے کا ایک نیا طریقہ پیش کرنا ہے۔
اسمارٹ فونز میں تبدیلی کی ضرورت نہیں
یہ سروس اس لحاظ سے منفرد ہے کہ اسمارٹ فونز میں کسی قسم کی تبدیلی کی ضرورت نہیں ہوگی۔ صرف LTE سپورٹ ہونا کافی ہوگا۔ یہ جدید سروس موبائل رابطوں میں ایک انقلابی تبدیلی لائے گی اور ایسے دور دراز علاقوں سے بھی کالز کو ممکن بنائے گی جہاں موبائل فون کا استعمال ابھی تک ممکن نہیں تھا۔
مزید پرئیے:https://urdu.thepenpk.com/?p=5694
سیٹلائیٹس میں جدید موڈیم کی تنصیب
اس سروس کے لیے اسپیس ایکس نے سیٹلائیٹس میں ایسے موڈیم نصب کیے ہیں جو انہیں کسی موبائل ٹاور کی طرح کام کرنے میں مدد دیتے ہیں۔ یہ سیٹلائیٹس خلا سے براہ راست اسمارٹ فونز کو فون سگنل بیم کرتے ہیں۔
یوکرین میں ابتدائی لانچ
یوکرین ان اولین ممالک میں شامل ہے جہاں یہ سروس متعارف کرائی جائے گی۔ ابتدا میں اس سروس کے تحت میسجنگ کی سہولت فراہم کی جائے گی، اور بعد ازاں وائس اور ڈیٹا سروسز بھی شامل کی جائیں گی۔
ایلون مسک نے سوشل میڈیا پلیٹ فارم ایکس پر اپنی پروفائل اپ ڈیٹ کی ہے۔ انہوں نے اپنا نام تبدیل کر کے کیکئس میکسمس رکھ لیا ہے اور اپنی پروفائل تصویر بھی تبدیل کر دی ہے۔
