فلسطین:اسرائیلی فوج کی جانب سے قرار دیے گئے نام نہاد سیف زون المواصی پر بمباری سے گیارہ فلسطینی شہید اور پندرہ زخمی ہو گئے۔
اسرائیلی وزیرِ دفاع کی دھمکی
اسرائیلی وزیرِ دفاع اسرائیل کاٹز نے حماس کو دھمکی دیتے ہوئے کہا کہ اگر اسرائیل پر حملے بند نہ کیے اور یرغمالیوں کو رہا نہ کیا تو ایسی طاقت سے وار کیا جائے گا جو غزہ میں طویل عرصے سے نہیں دیکھی گئی۔
فلسطینی اتھارٹی کی جانب سے الجزیرہ کی نشریات پر پابندی
فلسطینی اتھارٹی نے الجزیرہ نیٹ ورک کی نشریات پر پابندی عائد کرتے ہوئے مقبوضہ مغربی کنارے میں اس کے دفاتر بند کر دیے۔
فلسطینی اتھارٹی نے الجزیرہ پر ’گمراہ کن مواد‘ نشر کرنے اور فلسطین کے داخلی معاملات میں ’مداخلت‘ کا الزام لگایا ہے جبکہ الجزیرہ نے اس اقدام کی مذمت کی ہے۔
غزا میں انسانی بحران کی شدت
عرب میڈیا کے مطابق غزہ میں بارش، سردی اور خوراک کی کمی نے چودہ ماہ سے جاری جنگ کے باعث انسانی بحران کو مزید سنگین بنا دیا۔
سردی سے ساتواں نومولود جاں بحق
غزہ میں سردی کی شدت سے ساتواں نومولود جاں بحق ہو گیا، جس کے بعد ہائپوتھرمیا سے مجموعی ہلاکتوں کی تعداد آٹھ ہو گئی ہے۔
632 اسرائیلی آباد کاروں کا مسجدِ اقصیٰ پر دھاوا
چھ سو بتیس اسرائیلی آباد کاروں نے اسرائیلی پولیس کی حفاظت میں مسجد الاقصیٰ کے احاطے پر دھاوا بول دیا اور وہاں مذہبی رسومات ادا کیں۔
