ایران کے پاسدارانِ انقلاب کی طرف سے نئے میزائل سسٹمز کی تعیناتی کا مقصد کیا؟

اسلام آباد:ایران کے پاسدارانِ انقلاب نے آبنائے ہرمز کے قریب تین جزیروں پر نئے میزائل سسٹم نصب کیے ہیں۔
ایرانی میڈیا کی رپورٹ کے مطابق، یہ نئے میزائل سسٹم طنب الكبرى، طنب الصغرى اور ابو موسیٰ پر تعینات کیے گئے ہیں، جو عالمی سطح پر ایک اہم سمندری راستہ ہیں۔ میڈیا رپورٹس کے مطابق پاسدارانِ انقلاب نے حال ہی میں اس علاقے میں فوجی مشقیں بھی کی ہیں۔

ایران اور امریکہ کے درمیان بڑھتی کشیدگی کے اثرات

پاسدارانِ انقلاب کا یہ اقدام اس وقت سامنے آیا ہے جب ایران امریکی صدر ڈونلڈ ٹرمپ کی جانب سے ملنے والے دھمکی آمیز خط کا جواب دینے کی تیاری کر رہا ہے۔
اس حوالے سے پاسدارانِ انقلاب کے نیول کمانڈر علی رضا تنگسیری نے کہا کہ ہم خطے میں دشمن کے ٹھکانوں، جہازوں اور اثاثوں پر حملہ کرنے کی صلاحیت رکھتے ہیں۔

نئے میزائل سسٹمز کی ہلاکت خیز صلاحیت کیا ہے؟

کمانڈر تنگسیری نے مزید کہا کہ نئے میزائل سسٹم چھ سو کلو میٹر (یعنی تین سو ستر میل) کے دائرے میں کسی بھی ہدف کو مکمل طور پر تباہ کرنے کی صلاحیت رکھتے ہیں۔

ٹرمپ نے ایران کو جوہری معاہدے میں کتنی مہلت دی؟

اس دوران امریکی صدر ڈونلڈ ٹرمپ نے ایران کو نئے جوہری معاہدے کے لیے دو ماہ کی مہلت دی ہے اور دھمکی دی ہے کہ اگر ایران نے اپنے جوہری پروگرام کو جاری رکھا، تو اس کے سنگین نتائج برآمد ہوں گے۔

مزید پرئیے:https://urdu.thepenpk.com/?p=6560