اسلام آباد:امریکا میں صدر ڈونلڈ ٹرمپ کی متنازع پالیسیوں کے خلاف ہزاروں افراد سڑکوں پر نکل آئے۔
بین الاقوامی میڈیا کی رپورٹ کے مطابق، ٹرمپ کی پالیسیوں کے خلاف مظاہرین نے واشنگٹن، نیویارک، ہیوسٹن، فلوریڈا، کولوراڈو، لاس اینجلس اور دیگر مقامات پر احتجاجی ریلیاں نکالیں۔
رپورٹ میں بتایا گیا ہے کہ امریکا کے ایک ہزار سے زائد شہروں میں “ہینڈز آف” کے عنوان سے نکالی گئی ان احتجاجی ریلیوں میں مظاہرین نے امیگریشن پالیسیوں، تجارتی محصولات، تعلیمی بجٹ میں کٹوتیوں اور ایلون مسک کی قیادت میں وفاقی ملازمتوں میں بیس ہزار سے زائد کٹوتیوں پر شدید غم و غصے کا اظہار کیا۔
مزید پرئیے:https://urdu.thepenpk.com/?p=6643
واشنگٹن میں ٹرمپ کی پالیسیوں کے خلاف احتجاج میں بیس ہزار سے زائد افراد نے شرکت کی۔
اس کے علاوہ کینیڈا، میکسیکو اور کئی یورپی ممالک میں بھی ٹرمپ کی پالیسیوں کے خلاف احتجاجی مظاہرے کیے گئے۔
مظاہرین کا کہنا تھا کہ وہ امریکا میں جمہوریت کی بحالی اور عوامی مفادات کی حفاظت کے لیے طاقتور افراد کے خلاف متحد ہو کر کھڑے ہیں۔ ان کا مطالبہ تھا کہ حکومت فوری طور پر عوام دشمن پالیسیوں کو واپس لے۔
