ویب ڈیسک
پاکستانی اداکار زوہاب خان اور ٹک ٹاکر و اداکارہ وانیہ ندیم نے رشتہ ازدواج میں منسلک ہو کر اپنی زندگی کا نیا باب شروع کر لیا ہے۔ دونوں فنکاروں نے گزشتہ روز کراچی میں ایک سادہ تقریب میں شادی کی۔
زوہاب خان نے اپنے کیریئر کا آغاز بطور چائلڈ آرٹسٹ کیا تھا اور اب وہ ایک کامیاب اداکار ہیں۔ وانیہ ندیم ایک مشہور ٹک ٹاکر اور اداکارہ ہیں جنہوں نے کئی ڈراموں میں بھی کام کیا ہے۔
سوشل میڈیا پر ان کے نکاح کی مختلف ویڈیوز اور تصاویر وائرل ہو رہی ہیں۔ ویڈیوز میں دیکھا جا سکتا ہے کہ اس نوبیاہتا جوڑے نے نکاح کے اس پُر مسرت موقع پر سفید رنگ کے ملبوسات کا انتخاب کیا ہے۔
نکاح کی تقریب میں ان کے اہلخانہ، قریبی رشتہ دار اور دوستوں نے شرکت کی۔ گردشی تصاویر اور ویڈیوز کے کمنٹس میں ساتھی فنکاروں اور مداحوں کی جانب سے نوجوان جوڑی کے لیے نیک خواہشات کا اظہار کیا جا رہا ہے اور ساتھ ہی مبارکباد دینے کا سلسلہ بھی جاری ہے۔
اداکار زوہاب خان نے گزشتہ برس دسمبر میں اپنی شادی کا عندیہ دیا۔ انہوں نے ایک انٹرویو میں بتایا کہ وہ اگلے 3 مہینے یا 3 سال میں شادی کرسکتے ہیں، لیکن ابھی ان کی توجہ اپنے کیریئر اور ایک بزنس شروع کرنے پر ہے۔ اگر ان کا بزنس اگلے 4 مہینوں میں کامیاب ہوتا ہے تو وہ 4 مہینوں میں ہی شادی کر لیں گے، لیکن انہوں نے اپنے آپ کو 3 سال کا وقت دیا ہے تو 3 سال بعد شادی کرنے کا ارادہ بتایا۔
زوہاب خان نے اس انٹرویو میں ان کی اور ٹک ٹاکر اور اداکارہ وانیہ ندیم کی منگنی کا انکشاف کیا۔
زوہاب خان نے چائلڈ آرٹسٹ شوبز میں اپنے کیریئر کی شروعات کی تھی اور انہوں نے کئی ڈراموں میں اداکاری کی۔ ان کی فلمیں میں عمر، دادی اور گھر والے، میں ماں اور وہ، کاش میں تیری بیٹی نہ ہوتی، پرفیوم چوک، نہ کہو تم میرے نہیں اور عبداللہ پور کا دیوداس شامل ہیں۔
زوہاب خان نے اینی میٹڈ فلم ‘3 بہادر’ میں بھی کام کیا اور ان کا ریپ سانگ ‘مائی اسٹوری’ بھی بہت مشہور ہوا۔
وانیہ ندیم ٹک ٹاک اسٹار بھی معروف ہیں اور انہوں نے اداکاری کی دنیا میں بھی قدم رکھا ہے۔
