تیل کی عالمی قیمتوں میں 4% کمی، برینٹ خام تیل 9 ماہ کی کم ترین سطح پر

اسلام آباد:تیل کی عالمی قیمتوں میں 4 فیصد سے زائد کی کمی واقع ہوئی ہے، جس سے تیل کی قیمتیں 9 ماہ کی کم ترین سطح پر پہنچ گئی ہیں۔

برینٹ خام تیل کے مستقبل کے سودوں کی قیمت 4.5 فیصد کم ہو کر 74.02 ڈالر فی بیرل پر آ گئی ہے۔

قیمتوں میں اس کمی کی وجہ لیبیا میں حریف گروپوں کے درمیان مفاہمت میں پیش رفت ہے، جس کے نتیجے میں لیبیا میں تیل کی پیداوار اور برآمدات دوبارہ شروع ہو سکتی ہیں۔

حال ہی میں، لیبیا میں حریف سیاسی گروپوں کے درمیان مرکزی بینک اور تیل کے منافع پر کنٹرول کے جھگڑے کی وجہ سے ملک کی بڑی بندرگاہوں سے تیل کی برآمدات پیر سے بند ہیں۔