گڈاپ:کراچی کے علاقے گڈاپ میں ڈکیتی مزاحمت کے دوران فائرنگ کے نتیجے میں ایک پولیس افسر اور ایک اہلکار زخمی ہوگئے۔
پولیس کے مطابق، ملزمان پیسے، موبائل فون اور سرکاری اسلحہ چھین کر فرار ہونے میں کامیاب ہوگئے۔ دونوں پولیس اہلکار سادہ کپڑوں میں موجود تھے اور ملزمان کی تلاش جاری ہے۔
دوسری جانب، گلستان جوہر بلاک تھری اے میں موٹر سائیکل سوار دو ملزمان شہری سے لوٹ مار کے بعد فرار ہوگئے۔
اسی طرح، فیڈرل بی ایریا بلاک 17 میں بھی ڈکیتی مزاحمت کے دوران فائرنگ سے ایک شخص زخمی ہوگیا، جبکہ دو ملزمان کو پولیس کے ساتھ مقابلے کے بعد گرفتار کرلیا گیا۔
