بھارتی تامل اور مالیالم اداکار ٹی سی بالاجی المعروف ڈینیئل بالاجی کی موت نے فلمی دنیا کو ہلا کر رکھ دیا۔
48 سال کی عمر میں دل کا دورہ پڑنے سے وفات پاگئے ڈینیئل بالاجی کو سینے میں درد کی شکایت ہوئی، جس کی وجہ سے انہیں چنئی کے ایک نجی اسپتال میں داخل کیا گیا۔
ان کی آخری رسومات کے حوالے سے تفصیلات فی الحال سامنے نہیں آئی ہیں، ڈینیئل بالاجی کی اچانک موت ان کے مداحوں اور تامل فلم انڈسٹری کے لیے صدمے کا باعث ہے۔
ان کی موت کی خبر نے سوشل میڈیا پر ہلچل مچا دی، جس کے بعد ان کے مداحوں نے ان کی یاد میں خراج عقیدت پیش کیا۔
انہوں نے اپنے کیرئیر کا آغاز یونٹ پروڈکشن مینیجر کے طور پر کیا، لیکن بعد میں اداکاری کے میدان میں قدم رکھا اور ڈرامہ سیریل ’چٹھی‘ میں نمایاں ہوئے۔
