نیوزڈیسک
اسلام آباد: افغانستان میں گزشتہ رات آنے والے شدید زلزلے میں تقریباً چھ سو بائیس افراد ہلاک اور ایک ہزار سے زائد زخمی ہو گئے ہیں۔
افغان وزارت اطلاعات کے مطابق زلزلہ کنڑ صوبے میں سب سے زیادہ مہلک ثابت ہوا۔
خبر رساں ادارے خاما پریس کے مطابق زلزلہ مقامی وقت کے مطابق رات گیارہ بج کر سینتالیس منٹ پر آیا۔
امریکی جیولوجیکل سروے کے مطابق اس کی شدت چھ ریکارڈ کی گئی اور گہرائی آٹھ کلومیٹر تھی۔
زلزلے کا مرکز ننگرہار کے شہر جلال آباد سے ستائیس کلومیٹر مشرق میں واقع تھا۔
سب سے زیادہ متاثرہ کنڑ کے اضلاع میں نور گل، سوکی، وٹ پور، مانوگی اور چپہ درہ شامل ہیں۔ ننگرہار میں کم از کم نو افراد ہلاک اور درجنوں زخمی ہوئے۔
طالبان ترجمان ذبیح اللّٰہ مجاہد نے بتایا کہ متاثرہ افراد کی مدد کے لیے مرکز اور قریبی صوبوں سے امدادی ٹیمیں روانہ کر دی گئی ہیں اور مقامی حکام ریسکیو و بحالی کے کاموں میں مصروف ہیں
