پیانگ یانگ (نیوز ڈیسک): شمالی کوریا نے ایران کے نئے سپریم لیڈر مجتبیٰ خامنہ ای کی مکمل حمایت کا اعلان کرتے ہوئے امریکا اور اسرائیل کے حالیہ حملوں کی شدید مذمت کی ہے۔
شمالی کوریا کی وزارت خارجہ کے ترجمان نے اپنے بیان میں کہا کہ مجتبیٰ خامنہ ای کو ایران کا سپریم لیڈر منتخب کیا جانا ایرانی عوام کا اندرونی معاملہ ہے اور اس فیصلے کا مکمل احترام کیا جانا چاہیے۔
ترجمان نے امریکا اور اسرائیل کی جانب سے ایران پر کیے گئے حملوں کو “غیر قانونی جارحیت” قرار دیتے ہوئے کہا کہ ایسے اقدامات مشرقِ وسطیٰ کے امن و استحکام کے لیے خطرہ ہیں۔
بیان میں مزید کہا گیا کہ کسی بھی ملک کی سیاسی خودمختاری اور علاقائی سالمیت کو نقصان پہنچانا بین الاقوامی قوانین کی خلاف ورزی ہے اور اسے کسی صورت قبول نہیں کیا جا سکتا۔
شمالی کوریا نے عالمی برادری پر زور دیا کہ وہ ان حملوں کے خلاف آواز اٹھائے اور خطے میں کشیدگی کم کرنے کے لیے کردار ادا کرے۔
