امریکا اور جنوبی کوریا کی فوجی مشقوں کے دوران شمالی کوریا کا بیلسٹک میزائل تجربہ

پیانگ یانگ/ویب ڈیسک – شمالی کوریا نے امریکا اور جنوبی کوریا کی جاری مشترکہ فوجی مشقوں کے دوران اپنے مشرقی ساحل سے سمندر کی جانب بیلسٹک میزائل داغا، جس کے بعد خطے میں کشیدگی میں اضافہ ہو گیا۔

جنوبی کوریا کے حکام کے مطابق میزائل مشرقی ساحل سے داغا گیا، جبکہ جاپانی حکومت نے اسے بیلسٹک میزائل قرار دیا ہے۔ جاپانی کوسٹ گارڈ کے مطابق میزائل سمندر میں گر گیا۔

پیانگ یانگ کے مطابق یہ اقدام امریکی اور جنوبی کوریا کی فوجی مشقوں کے جواب میں کیا گیا، اور شمالی کوریا نے کہا کہ وہ کسی بھی جارحیت کا بھرپور جواب دینے کے لیے تیار ہے۔

میزائل تجربے کے بعد جاپان نے اپنی سمندری حدود میں الرٹ جاری کر دیا، جبکہ دفاعی ادارے کسی بھی ہنگامی صورتحال سے نمٹنے کے لیے ہائی الرٹ پر ہیں۔