امریکی سیکیورٹی بری طرح ناکام ہوچکی ہے، امریکا آبنائے ہرمز کیلئے دوسروں سے مدد مانگ رہا ہے: عباس عراقچی

ایران کے وزیر خارجہ عباس عراقچی کا کہنا ہے کہ امریکا کی نام نہاد سیکیورٹی بری طرح ناکام ہوچکی ہے اور اب وہ آبنائے ہرمز کو محفوظ بنانے کیلئے دیگر ممالک سے مدد مانگ رہاہے۔

سماجی رابطے کی ویب سائٹ X (Twitter) پر جاری ایک پیغام میں انہوں نے کہا کہ امریکا آبنائے ہرمز کی سلامتی کے لیے چین سے بھی مدد طلب کر رہا ہے۔عباس عراقچی کےمطابق امریکا کا سیکیورٹی نظام خطرات کو روکنے کے بجائے نئے مسائل کو جنم دے رہا ہے۔ انہوں نے کہا کہ خطے میں بیرونی مداخلت صورتحال کو مزید خراب کر رہی ہے۔ایرانی وزیر خارجہ نے خلیجی برادر ممالک سے مطالبہ کیا کہ وہ خطے سے غیر ملکی جارح قوتوں کو نکالنے کیلئے اقدامات کریں تاکہ خطے میں امن اور استحکام قائم ہو سکے۔