تہران (ویب ڈیسک): ایران کی قومی سلامتی کے مشیر علی لاریجانی کی شہادت کے بعد خاتم الانبیا ہیڈ کوارٹرز نے امریکا کو سخت پیغام جاری کیا ہے۔
امریکا اور اسرائیل کے مشترکہ حملے میں علی لاریجانی کی شہادت پر جاری بیان میں ترجمان خاتم الانبیا ہیڈ کوارٹرز نے کہا کہ “ٹرمپ ہماری حیران کن کارروائیوں کے لیے تیار رہے۔”
بیان میں کہا گیا کہ خطے میں امریکا کی پچاس سالہ سرمایہ کاری کو تباہ کر دیا گیا ہے اور دشمن اپنی ناکامی چھپانے کے لیے جنگی جرائم کا مرتکب ہو رہا ہے۔
ترجمان کا مزید کہنا تھا کہ “ٹرمپ اب تک کئی سرپرائز کا اعلان کر چکے ہیں، اب انہیں ہمارے سرپرائز کا انتظار کرنا چاہیے۔ ہم ایسا سرپرائز دیں گے کہ دشمن کو ہمیشہ کے لیے پچھتانا پڑے گا۔”
خاتم الانبیا ہیڈ کوارٹرز نے خطے کے ممالک کو بیرونی طاقتوں سے دور رہنے کا مشورہ دیتے ہوئے کارروائیاں جاری رکھنے کے عزم کا اعادہ کیا اور کہا کہ دشمن کو اس کے انجام تک پہنچایا جائے گا۔
