کستان کے مختلف حصوں میں موسلا دھار اور ہلکی بارش کا سلسلہ جاری ہے، جس کے باعث معمولات زندگی متاثر ہوئے ہیں اور درجہ حرارت میں نمایاں کمی ریکارڈ کی گئی ہے۔ بارشوں کی اطلاعات پنجاب، سندھ، خیبرپختونخوا، بلوچستان اور آزاد کشمیر کے مختلف علاقوں سے موصول ہو رہی ہیں۔پنجاب کے شہروں فیصل آباد، سرگودھا، ملتان، رحیم یار خان، جہلم اور دیگر علاقوں میں وقفے وقفے سے بارش جاری ہے۔اسی طرح سندھ کے علاقوں جیکب آباد، لاڑکانہ، دادو اور دیگر شہروں میں ہلکی سے درمیانی بارش ریکارڈ کی گئی ہے۔خیبرپختونخوا کے اضلاع بنوں، صوابی، نوشہرہ اور ٹانک میں بھی بارش سے موسم خوشگوار اور قدرے سرد ہو گیا ہے۔ادھر بلوچستان کے علاقوں چمن، قلعہ عبداللہ، پشین اور مستونگ میں موسلا دھار بارش کے باعث نشیبی علاقوں میں شہری سیلاب کا خدشہ بڑھ گیا ہے۔
آزاد کشمیر کے علاقوں بھمبر، کوٹلی اور اٹھمقام میں بھی تیز ہواؤں کے ساتھ بارش جاری ہے۔
دوسری جانب کراچی میں محکمہ موسمیات نے آئندہ 24 گھنٹوں کے دوران گرج چمک کے ساتھ بارش کی پیش گوئی کی ہے، جبکہ چند مقامات پر تیز بارش کا امکان ظاہر کیا گیا ہے۔ شہر میں کم سے کم درجہ حرارت 23.2 ڈگری سینٹی گریڈ ریکارڈ کیا گیا ہے جبکہ زیادہ سے زیادہ درجہ حرارت 30 سے 32 ڈگری سینٹی گریڈ تک رہنے کی توقع ہے۔حکام نے شہریوں کو ہدایت کی ہے کہ وہ خاص طور پر نشیبی علاقوں میں احتیاطی تدابیر اختیار کریں، کیونکہ بارشوں کا یہ سلسلہ مزید جاری رہنے کا امکان ہے۔
