اسلام آباد: پاکستان سپر لیگ کے آئندہ ایڈیشن سے قبل شاہین شاہ آفریدی نے شائقین کے لیے ایک اہم اشارہ دے دیا ہے کہ پاکستان سپر لیگ (پی ایس ایل) 11 میں نئے باصلاحیت کھلاڑی نمایاں ہو سکتے ہیں۔
اسلام آباد میں جاری کیمپ کے دوران گفتگو کرتے ہوئے انہوں نے بتایا کہ لاہور قلندرز گزشتہ کئی برسوں سے صرف ٹائٹل جیتنے پر نہیں بلکہ مقامی ٹیلنٹ کو نکھارنے پر بھی توجہ دے رہی ہے۔ ان کے مطابق ملک بھر میں ٹرائلز کے ذریعے سامنے آنے والے کئی نوجوان کھلاڑی اب قومی اور علاقائی سطح پر اپنی صلاحیتیں منوا چکے ہیآفریدی نے کہا کہ ہر سیزن سے پہلے کیمپ کا انعقاد اسی مقصد کے لیے کیا جاتا ہے تاکہ نئے کھلاڑی ٹیم کے ماحول سے ہم آہنگ ہو سکیں اور لیگ کے دباؤ کے لیے تیار ہوں۔
انہوں نے انکشاف کیا کہ اس بار بھی کیمپ میں کئی باصلاحیت نوجوان سامنے آئے ہیں۔انہوں نے امید ظاہر کی کہ پی ایس ایل 11 میں ایک یا دو نئے “اسٹینڈ آؤٹ” کھلاڑی سامنے آئیں گے، جبکہ کچھ نوجوان مستقبل میں اگلے دس سال تک ٹیم کے اہم ستون بن سکتے ہیں۔
مزید برآں، انہوں نے بتایا کہ ٹیم میں نئے مقامی اور غیر ملکی کھلاڑی شامل کیے گئے ہیں اور میچز بھی نئے مقامات پر کھیلے جائیں گے، جس سے شائقین کو مزید دلچسپ اور سنسنی خیز مقابلے دیکھنے کو ملیں گے۔ماہرین کے مطابق لاہور قلندرز کی اسکاؤٹنگ اور ٹیلنٹ ڈویلپمنٹ حکمت عملی اس نہ صرف لیگ میں مضبوط بناتی ہے بلکہ پاکستان کرکٹ کے مستقبل کے لیے بھی اہم کردار ادا کر رہی ہے۔
