اسلام آباد میں موسلا دھار بارش کے باعث شہر کے مختلف علاقوں میں ٹریفک کی روانی متاثر ہو گئی، جس پر پولیس نے شہریوں کے لیے ایڈوائزری جاری کر دی ہے۔پولیس ترجمان کے مطابق ڈرائیورز کو ہدایت کی گئی ہے کہ وہ فوگ لائٹس استعمال کریں اور رفتار کم رکھیں تاکہ حادثات سے بچا جا سکے۔ گاڑی اور موٹر سائیکل سواروں کو اپنی لین میں رہنے، سائیڈ مررز اور انڈیکیٹرز کے استعمال کو یقینی بنانے کی تاکید کی گئی ہے۔حکام کے مطابق شہر کے کئی علاقوں میں پانی جمع ہونے اور ترقیاتی کاموں کے باعث ٹریفک کی صورتحال متاثر ہے، جن میں فیض آباد، ترامڑی چوک اور پارک روڈ انڈر پاس شامل ہیں جہاں ٹریفک سست روی کا شکار ہے۔اسلام آباد ٽريفڪ پوليس کے اہلکار شہر بھر میں تعینات ہیں اور ٹریفک کی روانی برقرار رکھنے کے لیے اقدامات کر رہے ہیں۔شہریوں کو ہدایت کی گئی ہے کہ وہ سفر سے قبل منصوبہ بندی کریں، اضافی وقت رکھیں اور ٹریفک پولیس سے تعاون کریں۔ مزید رہنمائی کے لیے ہیلپ لائن 1915 یا ایمرجنسی نمبر 15 پر رابطہ کیا جا سکتا ہے۔
