پاکستان پیپلز پارٹی کے چیئرمین بلاول بھٹو زرداری کی منگنی اور شادی سے متعلق خبریں گزشتہ روز سے میڈیا اور سوشل میڈیا پر گردش کر رہی ہیں۔
ذرائع کی جانب سے دعویٰ کیا گیا کہ صدر آصف علی زرداری نجی دورے پر آسٹریا میں موجود ہیں، جبکہ بلاول بھٹو زرداری بھی ویانا میں موجود ہیں اور ممکنہ رشتے کے حوالے سے آسٹرین خاندان سے ملاقاتیں ہوئی ہیں۔
تاہم بلاول بھٹو زرداری کے ترجمان اور میئر کراچی مرتضیٰ وہاب نے ان خبروں کی تردید کرتے ہوئے انہیں غلط اور بے بنیاد قرار دیا ہے۔ ان کا کہنا ہے کہ بلاول بھٹو کی منگنی یا شادی سے متعلق کوئی باضابطہ اعلان نہیں کیا گیا۔
واضح رہے کہ بعض رپورٹس میں آسٹریا جبکہ بعض میں لیختن شٹائن کا ذکر کیا گیا ہے، تاہم ان دعوؤں کی سرکاری طور پر تصدیق نہیں ہوئی۔
