نیوز ڈیسک
راولپنڈی: ضلعی انتظامیہ نے واضح کیا ہے کہ شہر کے تمام تعلیمی ادارے کل معمول کے مطابق کھلے رہیں گے اور تعطیلات سے متعلق کوئی فیصلہ نہیں کیا گیا۔
انتظامیہ کے مطابق راولپنڈی میں فی الحال کسی بھی شاہراہ کو بند نہیں کیا گیا، جبکہ انٹرسٹی اور بین الاضلاعی ٹرانسپورٹ بھی معمول کے مطابق بحال رہے گی۔
ضلعی انتظامیہ کا کہنا ہے کہ راولپنڈی اور اسلام آباد کے درمیان رابطہ سڑکیں سمیت دیگر علاقوں کو ملانے والے راستے بھی کھلے رہیں گے۔
انتظامیہ کے مطابق امن و امان کی صورتحال کا مسلسل جائزہ لیا جارہا ہے اور صورتحال میں کسی بھی تبدیلی کی صورت میں عوام کو بروقت آگاہ کیا جائے گا۔
