لاہور: پنجاب کے مختلف تعلیمی بورڈز نے انٹرمیڈیٹ سالانہ امتحانات 2026 کے پوزیشن ہولڈرز کے ناموں کا اعلان کردیا ہے۔ لاہور، ملتان، ساہیوال، راولپنڈی، سرگودھا، ڈیرہ غازی خان اور بہاولپور سمیت دیگر بورڈز نے نمایاں پوزیشن حاصل کرنے والے طلبہ و طالبات کے نام جاری کردیئے۔
انٹرمیڈیٹ پہلے سالانہ امتحانات 2026 کے تفصیلی نتائج کا اعلان کل صبح کیا جائے گا۔
لاہور بورڈ
لاہور بورڈ کے انٹرمیڈیٹ سالانہ امتحانات میں مبشرہ اور سید محمد محی الدین نے 1200 میں سے 1158 نمبر حاصل کرکے مشترکہ طور پر پہلی پوزیشن حاصل کی۔
مبشرہ گورنمنٹ ڈگری کالج فار ویمن اسلام پورہ لاہور جبکہ سید محمد محی الدین گورنمنٹ کالج یونیورسٹی لاہور کے طالب علم ہیں۔
محمد احمد شوکت اور محمد زنیر امجد نے 1157، 1157 نمبر حاصل کرکے مشترکہ طور پر دوسری پوزیشن حاصل کی، جبکہ عائشہ بخش نے 1156 نمبر کے ساتھ تیسری پوزیشن حاصل کی۔ عائشہ بخش جوہر ٹاؤن کے ایک نجی کالج کی طالبہ ہیں۔
ملتان بورڈ
ملتان بورڈ میں خانیوال کے علی بن عبداللہ نے 1163 نمبر حاصل کرکے مجموعی طور پر پہلی پوزیشن حاصل کی، جبکہ خانیوال ہی کی فاخرہ مظفر نے 1162 نمبر کے ساتھ دوسری پوزیشن حاصل کی۔
پری میڈیکل بوائز میں علی بن عبداللہ 1163 نمبر کے ساتھ پہلے، دانیال صابر 1161 نمبر کے ساتھ دوسرے اور محمد بن عبداللہ 1160 نمبر کے ساتھ تیسرے نمبر پر رہے۔
پری میڈیکل گرلز میں فاخرہ مظفر نے 1162 نمبر کے ساتھ پہلی، دعا فاطمہ نے 1161 نمبر کے ساتھ دوسری اور وہاڑی کی فاطمہ معین نے 1159 نمبر کے ساتھ تیسری پوزیشن حاصل کی۔
انجینئرنگ گروپ میں عبدالحکیم کی عکاشہ خان نے 1157 نمبر کے ساتھ پہلی پوزیشن حاصل کی۔ نورالعین نے 1146 نمبر کے ساتھ دوسری جبکہ ملتان کی میرب عامر نے 1150 نمبر حاصل کرکے تیسری پوزیشن حاصل کی۔
ساہیوال بورڈ
ساہیوال بورڈ کے مطابق عائشہ اشفاق نے 1167 نمبر کے ساتھ پہلی، رمل فاطمہ نے 1162 نمبر کے ساتھ دوسری جبکہ سارہ سیف اور عائشہ مریم نے 1160، 1160 نمبر حاصل کرکے مشترکہ طور پر تیسری پوزیشن حاصل کی۔
انٹرمیڈیٹ امتحانات میں مجموعی طور پر 46,246 طلبہ و طالبات نے حصہ لیا، جن میں سے 28,844 کامیاب ہوئے۔ بورڈ کے مطابق کامیابی کا تناسب 62.36 فیصد رہا۔
راولپنڈی بورڈ
راولپنڈی بورڈ کے انٹرمیڈیٹ سالانہ امتحانات میں ایک نجی کالج راولپنڈی کی طالبہ وظیفہ جاوید نے 1156 نمبر حاصل کرکے پہلی پوزیشن حاصل کی۔
اسی کالج کی نور فاطمہ ساجد نے 1151 نمبر کے ساتھ دوسری پوزیشن حاصل کی، جبکہ تلہ گنگ کی نبیہہ ایمان اور منیب شاہ نے 1142، 1142 نمبر حاصل کرکے مشترکہ طور پر تیسری پوزیشن حاصل کی۔
سرگودھا بورڈ
سرگودھا بورڈ میں نجی کالج بھلوال کی انیکہ صفدر نے 1162 نمبر حاصل کرکے مجموعی طور پر پہلی پوزیشن حاصل کی، جبکہ نجی کالج کوٹ مومن کے کاظم رضا 1159 نمبر کے ساتھ دوسری پوزیشن پر رہے۔
پری میڈیکل گرلز میں محراب فراز نے 1156 نمبر کے ساتھ پہلی پوزیشن حاصل کی۔ پری انجینئرنگ بوائز میں راؤ محمد عبداللہ ساجد 1139 نمبر کے ساتھ پہلے نمبر پر رہے، جبکہ پری انجینئرنگ گرلز میں خدیجہ سعید رانا نے 1142 نمبر کے ساتھ پہلی پوزیشن حاصل کی۔
جنرل سائنس بوائز میں محمد احسن نوید 1135 نمبر کے ساتھ جبکہ جنرل سائنس گرلز میں انیکہ صفدر 1162 نمبر کے ساتھ پہلی پوزیشن پر رہیں۔
ہیومینیٹیز اینڈ اسلامک اسٹڈیز بوائز میں کاظم رضا نے 1159 نمبر کے ساتھ پہلی پوزیشن حاصل کی، جبکہ گرلز گروپ میں زینب ریاض 1137 نمبر کے ساتھ پہلے نمبر پر رہیں۔
چیئرمین تعلیمی بورڈ حیدر عباس گوندل نے کہا کہ نتائج کی تیاری میں شفافیت، میرٹ اور مقررہ قواعد و ضوابط کو مدنظر رکھا گیا۔ انہوں نے پوزیشن ہولڈر طلبہ و طالبات، ان کے والدین اور اساتذہ کو مبارکباد بھی پیش کی۔
ڈیرہ غازی خان بورڈ
ڈیرہ غازی خان بورڈ نے بھی انٹرمیڈیٹ سالانہ امتحانات 2026 کے پوزیشن ہولڈرز کا اعلان کردیا۔
چیئرمین تعلیمی بورڈ کے مطابق عارفہ مریم نے 1164 نمبر کے ساتھ مجموعی طور پر پہلی، عثمان احمد نے 1161 نمبر کے ساتھ دوسری جبکہ محمد حنظلہ منیر نے 1158 نمبر کے ساتھ تیسری پوزیشن حاصل کی۔
بہاولپور بورڈ
بہاولپور بورڈ کے انٹرمیڈیٹ پارٹ ون اور پارٹ ٹو کے سالانہ امتحانات میں عکاشہ طارق نے 1158 نمبر حاصل کرکے پہلی پوزیشن حاصل کی۔
مشعل فاطمہ اور منچن آباد کے محمد سعد نے 1157، 1157 نمبر حاصل کرکے مشترکہ طور پر دوسری پوزیشن حاصل کی، جبکہ شہدائے اے پی ایس کالج کے طالب علم مونث طارق نے 1155 نمبر کے ساتھ تیسری پوزیشن حاصل کی۔
چیئرمین بہاولپور بورڈ نے نمایاں کارکردگی دکھانے والے طلبہ و طالبات کو مبارکباد پیش کی۔
