ویب ڈیسک
پاکستان کا پہلا سیٹلائٹ مشن چاند پر بھیجنے کی تیاریاں مکمل
رکن کور کمیٹی انسٹی ٹیوٹ آف اسپیس ٹیکنالوجی ڈاکٹر خرم خورشید نے جیو نیوز کو بتایا کہ پاکستان کا پہلا سیٹلائٹ مشن 3 مئی کو 12 بج کر 50 منٹ پر چاند پر بھیجا جائے گا۔
ڈاکٹر خورشید نے کہا کہ یہ مشن چین کے ہینان اسپیس لانچ سائٹ سے خلا میں بھیجا جائے گا۔
انہوں نے بتایا کہ سیٹلائٹ “آئی کیوب” قمر کی لانچ کو ویب سائٹ کے ذریعے براہ راست نشر کیا جائے گا۔
ڈاکٹر خورشید نے کہا کہ “آئی کیوب” قمر کا ڈیزائن اور تیاری چین اور سپارکو کے اشتراک سے کی گئی ہے۔
انہوں نے کہا کہ چاند کی تصاویر بنانے کے لیے “آئی کیوب” قمر میں دو کیمرے نصب کیے گئے ہیں۔
