لوئرکوہستان کی تحصیل پٹن کے علاقے سیمو درہ میں کیال روڈ پر ایک ڈائینہ گاڑی گہری کھائی میں جا گری جس کے نتیجے میں 3 افراد جاں بحق اور 1 شخص زخمی ہو گیا۔
مقامی ذرائع کے مطابق، حادثہ اس وقت پیش آیا جب کیال سے پٹن جانے والی ایک ڈائینہ گاڑی ڈرائیور سے بے قابو ہو کر کھائی میں جا گری۔ حادثے کی اطلاع ملتے ہی ریسکیو 1122 کی ٹیمیں موقع پر پہنچ گئیں اور زخمی شخص کو مقامی ہسپتال منتقل کر دیا۔
ریسکیو 1122 کے ترجمان کے مطابق، حادثے میں جاں بحق ہونے والوں کی شناخت کریم داد ولد معصوم خان، جہانزیب ولد عبد الحلیم اور ممتاز ولد بلادر کے نام سے ہوئی ہے جبکہ زخمی ہونے والے شخص کی شناخت کریم داد ولد معصوم خان ہے جس کی عمر 37 سال ہے۔
ریسکیو 1122 کے اہلکاروں نے موقع پر پہنچ کر دو ڈیڈ باڈیز کو ریکور کر کے ورثا کے حوالے کر دیا۔ سرچ اور ریسکیو آپریشن کی نگرانی دسٹرکٹ ایمرجنسی آفیسر ساجد علی یوسفزئ خود کر رہے تھے۔
