کراچی:کراچی کے علاقے کارساز میں پیش آنے والے حادثے میں زخمی ہونے والا شین الیگزینڈر لاٹھی کا سہارا لے کر عدالت پہنچ گیا۔
اسی دوران حادثے کی ایک نئی سی سی ٹی وی فوٹیج بھی سامنے آئی ہے۔
فوٹیج میں دیکھا جا سکتا ہے کہ باپ اور بیٹی موٹر سائیکل پر جا رہے ہیں، جبکہ ایک سفید رنگ کی گاڑی تیزی سے پیچھے آتی ہے اور موٹر سائیکل کو ٹکر مار دیتی ہے۔
تیز رفتار گاڑی کی ٹکر سے باپ بیٹی موقع پر ہی جاں بحق ہو گئے تھے۔
تیز رفتار گاڑی پہلے ایک موٹرسائیکل سے ٹکرائی، پھر فٹ پاتھ پر جا لگی اور اس کے بعد دوسری گاڑی سے ٹکرا گئی۔سی سی ٹی وی ویڈیو کے مطابق یہ واقعہ پیر کی شام 6 بجکر 10 منٹ پر پیش آیا۔
واضح رہے کہ اس حادثے میں ایک باپ اور بیٹی کی جان چلی گئی جبکہ 5 افراد زخمی ہوئے۔
