اسلام آباد:کراچی، لاہور، اور اسلام آباد کے ایئرپورٹس پر موسم کی خرابی اور انتظامی مسائل کے باعث 8 پروازیں منسوخ کر دی گئی ہیں۔
فلائٹ شیڈول کے مطابق، مختلف ایئرپورٹس پر 14 ملکی اور بین الاقوامی پروازوں میں تاخیر بھی ہوئی ہے۔
نجی ایئر لائن کا انتظامی بحران دوسرے دن میں داخل ہو گیا ہے، جس کے نتیجے میں فلائٹ شیڈول شدید متاثر ہوا ہے۔
کوالالمپور اور کراچی کے درمیان غیر ملکی ایئر لائن کی پروازیں او ڈی 135 اور 136 منسوخ کر دی گئی ہیں۔
لاہور اور شارجہ کے درمیان پی آئی اے کی پروازیں پی کے 150 اور 186 بھی منسوخ کر دی گئی ہیں، جبکہ اسلام آباد اور گلگت کے درمیان پی آئی اے کی 4 پروازیں پی کے 601، 602، 603، اور 604 منسوخ ہو گئی ہیں۔
دمشق سے کراچی کے درمیان غیر ملکی ایئر لائن کی پروازیں ایس اے ڈبلیو 661 اور 662 ڈیڑھ گھنٹے کی تاخیر کا شکار ہو گئی ہیں، جبکہ مسقط سے کراچی کی پرواز او وی 511 میں 3 گھنٹے کی تاخیر ہوئی ہے۔
پی آئی اے کی جدہ سے کراچی کی پرواز پی کے 762 میں 2 گھنٹے، اور کوئٹہ سے کراچی کے درمیان پی آئی اے کی پروازیں پی کے 210 اور 211 میں ہر ایک گھنٹہ کی تاخیر ہوئی ہے۔
اسلام آباد سے ابوظبی کی نجی ایئر لائن کی پرواز پی اے 231 میں 6 گھنٹے، اور اسلام آباد سے جدہ اور دبئی کی پروازوں میں ڈیڑھ گھنٹے کی تاخیر ہوئی ہے۔
