راولپنڈی:راولپنڈی میں تعینات پنجاب پولیس کی افسر، بینش فاطمہ نے عالمی ایوارڈ اپنے نام کرلیا۔
صدر انٹرنیشنل ایسوسی ایشن آف چیفس آف پولیس (آئی اے سی پی) نے بوسٹن میں ایس پی بینش فاطمہ کو 2024 کے بین الاقوامی ایوارڈ سے نوازا۔
آئی اے سی پی ہر سال دنیا بھر کے 40 سال سے کم عمر نمائندگان میں سے بہترین افسران کا انتخاب کرتا ہے اور یہ ادارہ دنیا بھر میں مختلف کمیونٹی کے لوگوں کے تحفظ کو جدید تقاضوں سے ہم آہنگ کرتا ہے۔
آئی جی پنجاب عثمان انور نے ایس پی بینش فاطمہ کو دنیا بھر میں پاکستان کا نام روشن کرنے اور عالمی ایوارڈ جیتنے پر مبارک باد دی اور کہا کہ وہ پنجاب پولیس کا قیمتی سرمایہ ہیں۔
یاد رہے کہ ایس پی بینش فاطمہ کو راولپنڈی کی پہلی خاتون چیف ٹریفک آفیسر ہونے کا اعزاز بھی حاصل ہے۔
