فہد مصطفیٰ نے مداح کی دعاؤں کو کس طرح سراہا؟

اسلام آباد:پاکستان شوبز انڈسٹری کے معروف میزبان و اداکار فہد مصطفیٰ کی سوشل میڈیا پر ایک ویڈیو وائرل ہو رہی ہے۔

اس ویڈیو میں نیویارک میں فہد مصطفیٰ اور ہانیہ عامر کے مداحوں سے ملاقات کے لیے منعقد کیے گئے سیشن کے دوران ایک خاتون مداح کو دونوں اداکاروں کے لیے اپنی نیک تمناؤں کا اظہار کرتے ہوئے دیکھا جا سکتا ہے۔

مداح نے اداکار کے لیے اپنی نیک خواہشات کا اظہار کرتے ہوئے کہا کہ میں نے تمہارے لیے ہمیشہ بہت ساری دعائیں مانگی ہیں کیونکہ میں نے تمہارے بارے میں یہ سنا ہے کہ تم تہجد گزار نمازی ہو۔

اُنہوں نے مزید کہا کہ میری دعا ہے کہ تم اسی طرح نماز کی پابندی ہمیشہ کرتے رہو، دین اور دنیا دونوں کو ساتھ لے کر چلو۔

مداح کی یہ بات سن کر اداکار نے کہا کہ آنٹی، میرے لیے دعائیں مانگنے کے لیے آپ کا بہت شکریہ اور اگر آپ لوگوں کی دعائیں ہمارے ساتھ ہیں تو پھر ہمیں ملین ڈالرز کی ضرورت نہیں ہے۔

مزید پرئیے:https://urdu.thepenpk.com/?p=5243